Kafe və coffee shop-lar üçün bütöv idarəetmə sistemi. Kassa, sifariş, menyu, anbar və hesabat — hamısı bir ekranda. Barista və kassir rahat işləyir, sahibkar hər şeyi uzaqdan görür.
Sistem nəyi həll edir?
- Sifarişləri kağızdan kompüterə köçürür — unudulmaq, səhv yazılmaq ortadan qalxır.
- Kassa və anbarı birləşdirir — nə satılırsa, stok avtomatik azalır.
- Günün sonunda hesabat özü hazırlanır — kağız-qələm yoxdur.
- Sahibin telefonunda real-vaxt gəlir, ən çox satılan içki.
Əsas modullar
- Kassa (POS). Toxunma ekranla tez sifariş; masa və gəlmə-aparma rejimləri; çek çap olunur.
- Menyu idarəsi. İçki/yemək əlavə etmək, qiyməti dəyişmək, aksiya qoymaq — bir ekrandan.
- Masa planı. Zalın xəritəsi; boş, dolu, hesablaşılan masalar rənglə görünür.
- Mətbəx ekranı. Sifarişlər avtomatik mətbəxə və bar-a düşür. "Hazırdır" basanda ofisiant xəbərdar olur.
- Anbar. Qəhvə, süd, şəkər, stəkan — hər məhsulun stoku. Kritik səviyyəyə düşəndə sistem xatırlatma göndərir.
- Resept və maya dəyəri. Bir latte neçə qram qəhvə, neçə ml süd aparır — avtomatik hesablanır, gerçək mənfəət görünür.
- Hesabat. Günlük, həftəlik, aylıq — ən çox satan, ən az satan.
- Sadiqlik. Müştəri nömrəsinə görə endirim, 10-cu qəhvə pulsuz və bənzər aksiyalar.
Avadanlıqlarla uyğunluq
Sistem toxunma ekran, barkod skaneri, çek printeri və nağd kassa qutusu ilə işləyir. İndi əlinizdəki avadanlıqdan istifadə etmək istəyirsinizsə — çox güman, uyğundur. İlk görüşdə yoxlayıb təsdiq edirik.
Çoxfilialli iş
Bir neçə kafeniz varsa — hamısı bir panelə qoşulur. Hər filialın satışı ayrıca, cəmi birlikdə görünür. Menyunu bir filialda dəyişdirib digərlərinə göndərmək mümkündür.
Harada quraşdırılır?
- Buludda — biz saxlayırıq, siz brauzerdən girirsiniz, mobil tətbiq də var.
- Öz serverinizdə — internet kəsilsə də kassa işləyir, bütün məlumat sizdə qalır.
Nə qədər vaxt çəkir?
Standart quraşdırma 1–2 həftə: menyu yüklənir, avadanlıqlar qoşulur, işçilər üçün 1 günlük təlim keçirilir. Dəyişikliklər lazımdırsa — fərdiləşdirmə əlavə 2–3 həftədir.
Qiymət necə işləyir?
Birdəfəlik qiymətlə alır və sizindir — aylıq ödəniş yoxdur. İstəyirsinizsə, aylıq saxlama və yeni funksiya əlavələri paketi mövcuddur.